ᐅᐱᓐᓇᕋᓂ ᑐᑭᓯᐅᒪᒐᑦᑕ ᓄᓇᓕ ᓱᓇᓕᒫᕆᔭᐅᒻᒪᑦ
ᐅᑉᐱᕈᓱᑦᑐᒍᑦ ᐱᒻᒪᕆᐅᓂᕆᔭᖓᓂ ᐃᑲᔪᖅᓱᓂᕐᒥᑦ ᐃᓄᐃᑦ ᓄᓇᓕᖏᓐᓂᒃ.
ᐃᓚᐅᑎᑦᓯᓂᕐᒥᑦ ᓄᓇᓕᑦᑎᓐᓂᒃ ᐃᓱᒪᓕᐅᕆᓂᕐᒧᑦ, ᓴᖅᑮᓂᕐᒥᑦ ᓇᒻᒥᓂᖃᕐᓂᕐᒧᑦ ᑲᑐᔾᔨᖃᑎᒌᓂᕐᒥᑦ ᐃᓄᐃᑦ ᐱᓕᕆᕝᕕᖏᓐᓂᒃ, ᒪᓂᒪᑎᑦᓯᓂᕐᒥᑦ ᐊᔪᕈᓐᓃᖅᓴᐅᑎᓂᑦ ᐱᓕᒻᒪᑦᓴᐅᑎᓂᒃ ᐊᒻᒪᓗ ᐃᓕᓐᓂᐊᕈᑎᑦᓴᓂᑦ, ᐊᒻᒪᓗ ᐃᖅᑲᓇᐃᔭᖅᑎᑦᓯᓂᕐᒥᑦ ᐊᒻᒪᓗ ᐱᕙᓪᓕᐊᑎᑦᓯᓂᕐᒥᑦ ᐃᓄᓐᓂᒃ ᐃᖅᑲᓇᐃᔭᖅᑎᓂᒃ, ᑲᑐᔾᔨᖃᑎᒌᑦᑐᑕ ᐱᓕᕆᓲᖑᔪᒍᑦ ᑎᑭᐅᒪᓇᓱᓐᓂᕐᒥᑦ ᐱᔨᑦᓯᕋᖅᑕᕗᑦ ᑐᕌᒐᖏᓐᓂᒃ, ᐊᒻᒪᓗ ᑯᐊᐳᕇᓴᑦᑕ ᑐᕌᒐᖏᓐᓂᒃ ᓄᓇᕗᓕᐅᓐᓂᕐᒥᑦ ᐃᓄᐃᑦ ᓯᕗᓪᓕᐅᔾᔭᐅᓗᑎ ᓇᒻᒥᓂᖃᕐᓂᕐᒧᑦ ᐊᐅᓚᑦᓯᓂᕐᒥᑦ.
ᐸᕐᓇᓯᒪᔪᒃᑯᑦ ᑲᑐᔾᔨᖃᑎᖃᓇᓱᓲᖑᔪᒍᑦ ᑕᐅᕗᖓᓕᒫᖅ ᑮᓇᐅᔾᔭᓂᕐᒧᑦ ᐱᕚᓪᓕᕈᑕᐅᒐᔭᖅᑐᓂᒃ ᐊᒻᒪᓗ ᐊᓂᒍᐃᓂᖅᓴᐅᔪᒻᒪᓪᓗᑕ ᐃᓄᓐᓄᑦ ᐊᒻᒪᓗ ᐱᔨᑦᓯᕋᖅᐸᑦᑕᑦᑎᓐᓄᑦ. ᐱᓪᓗᐊᑕᕆᔭᕗᑦ ᐊᔭᐅᑦᑐᐃᕈᑎᒋᓪᓗᑎᒍᑦ ᐃᓄᐃᑦ ᐱᖃᑕᐅᓂᖅᓴᐅᓕᖁᓪᓗᒋᑦ ᐊᐅᓚᑦᓯᓂᕆᔭᑦᑎᓐᓂᒃ ᓄᓇᓕᒻᒥ ᐱᓕᕆᖃᑎᖃᕐᓂᒃᑯᑦ ᐊᒻᒪᓗ ᐋᖅᑭᑦᓱᐃᓂᕐᒥᑦ ᐃᑲᔪᖅᓲᑎᓂᒃ ᐃᖅᑲᓇᐃᔭᖅᑎᖁᑎᑦᑎᓐᓄᑦ ᐃᓚᒋᔭᖏᓐᓄᓪᓗ.
ᐱᓇᓱᐊᖅᑕᕗᑦ
ᐊᓯᔾᔨᖅᐸᓪᓕᐊᓗᒍ ᐅᖓᓯᑦᑐᒥᑦ ᐃᖅᑲᓇᐃᔭᖅᐸᑦᑐᑦ ᑕᐅᑦᑐᖓ ᓄᓇᕗᒻᒥ ᐸᕐᓇᖃᑎᖃᕐᓂᒃᑯᑦ ᑲᑐᔾᔨᖃᑎᖃᕐᓂᕐᒥᑦ ᐊᒻᒪᓗ ᓄᑖᖑᔪᓂᑦ ᐊᑐᖃᑦᑕᕐᓂᖏᓐᓄᑦ ᐅᑭᐅᖅᑕᖅᑐᒥ ᐋᖅᑭᒋᐊᕈᑎᓂᒃ.
ᑕᐅᑐᖅᑰᖅᑕᕗᑦ
ᓯᕗᓕᖅᑎᐅᔪᒪᓪᓗᑎᒃ ᐅᖓᓯᑦᑐᒥᑦ ᐃᖅᑲᓇᐃᔭᖅᑎᖃᕐᓂᕐᒧᑦ ᐋᖅᑭᒋᐊᕈᑎᑦᓴᓄᑦ ᐅᑭᐅᖅᑕᖅᑐᒥ, ᑐᕌᕐᓂᖃᕐᓗᑎᒃ ᐃᑲᔪᖅᓱᓂᕐᒥᑦ ᓇᒻᒥᓂᖅᓱᖁᓪᓗᒋᑦ ᐃᓄᐃᑦ.
ᐊᑐᐃᓐᓇᐅᑎᑦᓯᓂᕐᒥᑦ ᐱᒻᒪᕆᐅᑎᑦᓯᓂᕐᒥᑦ ᐱᔨᑦᓯᕋᖃᑦᑕᖅᑕᑎᓐᓂᒃ ᑲᔪᓰᓐᓇᖅᑐᒥᒃ ᐱᖁᑎᓄᑦ ᐊᒻᒪᓗ ᓄᑖᖑᔪᓂᑦ ᐊᑐᖃᑦᑕᕐᓂᖏᓐᓄᑦ.
ᐱᐅᔪᒥᑦ ᐃᑲᔫᑎᖃᕈᒪᓪᓚᕆᑦᑐᒍᑦ ᐃᓄᓐᓄᑦ, ᓄᓇᓕᓐᓄᑦ ᐊᒻᒪᓗ ᓄᓇᕗᒻᒥ ᑮᓇᐅᔾᔭᕋᓱᐊᕐᓂᐅᔪᒧᑦ ᐱᓕᕆᑦᓯᐊᕐᓂᒃᑯᑦ ᐊᒻᒪᓗ ᑲᔪᓯᑦᓯᐊᑎᑦᓯᓂᒃᑯᑦ ᓴᖅᑮᓂᕐᒥᑦ ᐊᑑᑎᖃᑦᓯᐊᖅᑐᓂᒃ ᐃᖅᑲᓇᐃᔮᑦᓴᓂᒃ ᐊᒻᒪᓗ ᓇᒻᒥᓂᖃᕐᓂᕐᒧᑦ ᐱᕕᑦᓴᐅᔪᓂᒃ. ᐱᓯᒪᑦᓯᓂᕐᒥᑦ ᐃᓄᐃᑦ ᑐᙵᕕᖏᓐᓂᒃ ᐊᒻᒪᓗ ᐱᒻᒪᕆᐅᒋᔭᐅᔪᓂᒃ, ᐊᖏᖅᓯᒪᔪᒍᑦ ᐱᓕᕆᖃᑎᖃᑦᓯᐊᓂᕐᒥᑦ
ᐱᔨᑦᓯᕋᕐᓂᕐᒧᑦ ᐊᒻᒪᓗ ᒪᓂᒪᑎᑦᓯᓂᕐᒥᑦ ᓄᓇᓕᑦᑎᓐᓄᑦ.
ᓴᙱᓂᖅᑖᖅᑎᑦᓯᓂᖅ
ᐱᔨᑦᓯᕋᖃᑦᑕᖅᑕᕗᑦ ᐊᒻᒪᓗ ᐃᑲᔪᖅᓱᖃᑦᑕᖅᑕᕗᑦ
ᓄᓇᓕᕗᑦ ᖃᓄᐃᙱᑦᓯᐊᕐᓂᕐᒧᑦ ᐊᒻᒪᓗ
ᓇᒻᒥᓂᖅᓱᓂᕐᒧᑦ. ᐱᓕᕆᖃᑎᒌᓪᓗᑕ ᐊᓯᔾᔩᓲᖑᕗᒍᑦ.
ᐊᕙᑎᒥᒃ ᑲᒪᑦᓯᐊᕐᓂᕐᒥᑦ
ᐃᑉᐱᒋᑦᓯᐊᓲᕗᑦ ᐊᒻᒪᓗ ᑲᒪᒋᑦᓯᐊᓲᕗᑦ
ᐊᕙᑎᕗᑦ, ᑮᓇᐅᔾᔭᕋᓱᐊᕐᓂᐅᔪᖅ ᐊᒻᒪᓗ ᐃᓄᐃᑦ. ᑲᒪᒋᔭᖃᑦᓯᐊᓲᖑᔪᒍᑦ ᐊᒻᒪᓗ ᓴᐳᔾᔨᓲᖑᔪᒍᑦ ᓄᓇᑦᑎᓐᓂᒃ
ᐊᒻᒪᓗ ᐱᔾᔪᑎᑦᓴᑎᓐᓂᒃ
ᐅᐱᓐᓇᖅᑐᖅ
ᐱᓯᒪᑦᓯᑦᓯᐊᖅᑐᒍᑦ ᐃᓄᐃᑦ ᐱᒻᒪᕆᐅᒋᔭᖏᓐᓂᒃ
ᐊᒻᒪᓗ ᒪᓕᑦᓯᐊᖅᑐᒍᑦ ᓄᓇᕗᑦ ᐊᖏᕈᑎᖓᓂ ᑎᑭᐅᒪᓂᕐᒧᑦ ᑕᐅᑐᙳᐊᖅᑕᐅᔪᒥᒃ ᐃᓄᐃᑦ ᓯᕗᓕᖅᑎᖏᓐᓄᑦ ᐃᓄᓐᓄᑦ ᐊᒻᒪᓗ ᓄᓇᕗᒻᒧᑦ.
ᐊᑐᖃᑦᑕᖅᓯᒪᔭᑐᖃᕗᑦ
2005-2006
ᕿᑭᖅᑖᓗᒃ ᑯᐊᐳᕇᓴᓐ ᓇᒻᒥᓂᖃᖅᑐᖅ ᕿᑭᖅᑖᓗᒃ ᓱᓇᒃᑯᑖᓄᑦ ᓕᒥᑎᑦᒥᑦ. ᑐᕌᒐᕆᔭᖓ ᑲᒻᐸᓂᐅᑉ ᐊᑐᐃᓐᓇᐅᑎᑦᓯᓂᕐᒥᑦ ᐃᓗᐃᑦᑑᓕᖓᔪᒥᑦ ᓄᓇᓯᐅᑎᕐᔪᐊᓄᑦ ᐊᒻᒪᓗ ᑐᕌᖓᖃᓯᐅᑎᔪᓂᒃ ᐱᔨᑦᓯᕋᐅᑎᓂᒃ ᓄᓇᕗᒻᒥ ᐊᒻᒪᓗ ᓄᓇᑦᓯᐊᕐᒥᑦ. ᓂᕆᐅᒋᔭᐅᒻᒥᔪᖅ ᐱᒋᐊᕈᑕᐅᓂᐊᕐᓗᓂ ᐊᕙᑎᓕᕆᓂᕐᒧᑦ ᓴᓗᒻᒪᖅᓴᐃᓂᕐᒧᑦ ᑳᓐᑐᓛᒃᓄᑦ. ᕿᑭᖅᑖᓗᒃ ᑯᐊᐳᕇᓴᓐ ᓴᖅᑮᓚᐅᖅᑐᑦ ᕿᑭᖅᑖᓗᒃ ᐸᕐᓇᐃᓂᕐᒧᑦ ᐊᕕᑦᓯᒪᔭᖓᓂ 2006-ᒥᑦ ᓯᕗᓕᖅᑎᐅᓂᕐᒧᑦ ᐊᕙᑎᒥᑦ ᓴᓗᒻᒪᖅᓴᐃᓂᕐᒧᑦ ᐱᓕᕆᐊᑦᓴᒥᑦ.
2006-2007
ᕿᑭᖅᑖᓗᒃ ᑯᐊᐳᕇᓴᓐ ᐱᔨᑦᓯᕋᓚᐅᖅᑐᖅ ᓯᕗᓪᓕᖅᐹᒥᑦ ᐅᔭᕋᕐᓂᐊᕐᓂᕐᒧᑦ ᐃᖅᑲᓇᐃᔭᖅᑎᑖᕋᓱᐊᕐᓂᕐᒧᑦ ᐊᒻᒪᓗ ᐊᖅᑯᑎᒥᑦ ᐋᖅᑭᐅᒪᑎᑦᓯᓂᕐᒧᑦ ᐅᔭᕋᕐᓂᐊᕐᕕᐅᑉ ᐃᓂᖓᓂ.
2007-2008
ᕿᑭᖅᑖᓗᒃ ᐸᕐᓇᐃᓂᕐᒧᑦ ᓴᖅᑭᑕᐅᓚᐅᖅᑐᖅ ᐊᒻᒪᓗ ᐱᓪᓗᐊᑕᕐᓂᒃ ᑳᓐᑐᓛᒃᑖᓚᐅᖅᑐᑦ ᐹᕙᓐᓛᓐ ᐅᔭᕋᕐᓂᐊᕐᕕᒃ ᑯᐊᐳᕇᓴᒃᑯᖏᓐᓂᒃ (BIMC), ᑐᔪᕐᒥᕕᐅᔪᓂᒃ ᐱᔨᑦᓯᕋᖅᑎᓄᑦ, ᓴᓇᔪᓕᕆᓂᕐᒧᑦ ᐊᒻᒪᓗ ᐃᑲᔪᖅᓱᓂᕐᒧᑦ. ᓄᓘᔮᓂ ᓴᕕᕋᔭᑦᓴᓄᑦ ᐅᔭᕋᓐᓂᐊᕐᕕᒃ 160 ᑭᓛᒥᑕᓂᒃ ᓂᒋᐊᓃᑦᑐᖅ ᒥᑦᑎᒪᑕᓕᐅᑉ. ᕿᑭᖅᑖᓗᒃ ᑯᐊᐳᕇᓴᓐ ᓂᐅᕕᓚᐅᖅᑐᖅ ᐊᒻᒪᓗ ᐊᑐᖅᑐᐊᓚᐅᖅᑐᖅ ᐊᒥᓱᓂᑦ ᓄᓇᓯᐅᑎᕐᔪᐊᓂᑦ ᐊᒻᒪᓗ ᐅᒥᐊᕐᔪᐊᒃᑰᕈᔾᔭᐅᓚᐅᖅᑐᑦ ᕿᙳᐊᓐᓂ ᐊᑐᖅᑕᐅᓂᐊᕐᓗᑎᒃ ᐋᖅᑭᐅᒪᑎᑦᓯᓂᕐᒥᑦ ᐊᖅᑯᑎᓂᑦ ᐃᓂᒋᔭᐅᔪᒥᑦ.
2007
ᕿᑭᖅᑖᓗᒃ ᐸᕐᓇᐃᓂᕐᒧᑦ ᐊᑐᐃᓐᓇᐅᑎᑦᓯᓚᐅᖅᑐᑦ ᐱᐅᕆᒍᕇᓐ ᓯᑎᓂᖅᐹᑦ ᐱᓕᕆᐊᖏᓐᓂᒃ ᐊᒻᒪᓗ ᐃᖅᑲᓇᐃᔭᖅᑐᓕᕆᓂᕐᒧᑦ ᐱᔨᑦᓯᕋᐅᑎᓂᒃ. ᑕᒪᓐᓇ ᐃᓚᖃᖅᑐᖅ ᓱᒃᑲᓕᒋᐊᖅᑎᑦᓯᓂᕐᒥᑦ, ᓄᓇᓯᐅᑎᓂᒃ ᐊᑐᖅᑐᐊᑎᑦᓯᓂᕐᒥᑦ, ᑐᔪᕐᒥᕕᓐᓂ ᐋᖅᑭᑦᓱᐃᓂᕐᒥᑦ/ᐲᔭᐃᓂᕐᒥᑦ, ᐃᖅᑲᓇᐃᔭᖅᑐᓕᕆᓂᕐᒥᑦ, ᐃᖅᑲᓇᐃᔭᖅᑎᑖᕐᓂᕐᒥᑦ ᐊᒻᒪᓗ ᓯᕐᓗᐊᓄᑦ ᐱᔨᑦᓯᕋᐅᑎᓂᑦ.
2008-2009
ᕿᑭᖅᑖᓗᒃ ᐸᕐᓇᐃᓂᕐᒧᑦ ᐊᕐᕌᒍᖃᑦᓯᐊᒃᑲᓐᓂᓚᐅᖅᑐᑦ, ᐱᕙᓪᓕᐊᑎᑦᓯᓪᓗᑎᒃ ᑮᓇᐅᔭᓕᐅᕐᓇᖅᑐᓂᒃ ᑳᓐᑐᓛᒃᓂᒃ 2008-ᒥᑦ, ᐃᓚᒋᔭᐅᓪᓗᓂ ᓄᓘᔮᓂ ᐅᔭᕋᓐᓂᐊᕐᓂᕐᒧᑦ ᐱᓕᕆᐊᑦᓴᖅ, ᑲᐃᑉ ᑯᕆᔅᑎᐊᓐ ᐅᑎᖅᑏᓂᕐᒧᑦ ᐱᓕᕆᐊᑦᓴᖅ, ᐊᒻᒪᓗ ᐱᐅᕆᒍᕇᓐ ᓯᑎᓂᖅᐹᑦ. ᐊᐅᔭᖓᓂ 2008, ᕿᑭᖅᑖᓗᒃ ᐸᕐᓇᐃᓂᕐᒧᑦ ᐊᑎᓕᐅᓚᐅᖅᑐᑦ ᐊᕐᕌᒍᓄᑦ ᒪᕐᕉᓐᓄᑦ ᓇᑉᐸᖓᓂᓪᓗ ᑳᓐᑐᓛᒃᒥᑦ ᑖᒃᑯᓂᖓ PWGSC ᑲᐃᑉ ᑯᕆᔅᑎᐊᓐ ᐅᑎᖅᑏᓂᕐᒧᑦ ᐱᓕᕆᐊᑦᓴᒧᑦ ᐊᒻᒪᓗ ᑕᐅᕗᖓᐅᔾᔨᓚᐅᖅᑐᑦ ᐊᑐᕆᐊᓕᓐᓂᒃ ᓱᓇᒃᑯᑖᓂᒃ 2009 ᐊᐅᔭᖓᓂ.
2009-2010
ᕿᑭᖅᑖᓗᒃ ᐸᕐᓇᐃᓂᕐᒧᑦ ᐃᖅᑲᓇᐃᔭᖅᑎᑦᓯᓚᐅᖅᑐᑦ 310ᓂᒃ ᐃᓄᓐᓂᒃ ᐊᒻᒪᓗ 80 ᐳᓴᓐᑎ ᐃᓅᓚᐅᖅᑐᑦ ᕿᑭᖅᑕᓂᒥᙶᖅᑐᑦ ᐊᒻᒪᓗ ᑭᕙᓪᓕᕐᒥᑦ. ᑖᒃᑯᐊ ᐃᖅᑲᓇᐃᔭᖅᑏᑦ ᓯᒃᑭᖏᑦ ᐲᔭᐃᕝᕕᐅᓇᑎᒃ, ᐊᑭᓕᖅᑕᐅᔾᔪᑎᖏᑦ ᐊᒻᒪᓗ ᐱᕚᓪᓕᕈᑎᖏᑦ ᑲᑎᓕᒫᓚᐅᖅᑐᑦ $4,468,905. ᐱᓕᒻᒪᑦᓴᐅᑎᒻᒪᕆᒃ ᐱᓕᕆᐊᑦᓴᖅ ᐊᒻᒪᓗ ᑮᓇᐅᔭᖃᖅᑎᑦᓯᔪᑦ ᐱᓕᒻᒪᑦᓴᐅᑎᑦᓴᖏᓐᓄᑦ 200 ᐃᓄᓐᓄᑦ ᑐᓂᔭᐅᓚᐅᖅᑐᖅ QETC ᑲᑎᒪᔨᖏᓐᓄᑦ ᐊᖏᖅᑕᐅᓇᓱᐊᕐᓂᕐᒧᑦ.
2012-2013
ᕿᑭᖅᑕᓂ ᐸᕐᓇᐃᓂᕐᒧᑦ ᐊᓯᔾᔩᓚᐅᖅᑐᑦ ᑕᐃᒍᓯᖓᓂ ᕿᑭᖅᑕᓂ ᓴᓇᔪᓕᕆᓂᕐᒧᑦ ᑎᒥᖁᑖᓄᑦ. ᖄᒃᑲᓐᓂᐊᒍᑦ, ᕿᑭᖅᑕᓂ ᐃᑲᔫᑎᑦᓴᓄᑦ ᑐᑦᑕᕐᕕᖓ ᓴᖅᑭᑕᐅᓚᐅᖅᑐᖅ ᐱᔨᑦᓯᕋᕐᓂᕐᒧᑦ ᐅᔭᕋᕐᓂᐊᖅᑐᓕᕆᔨᓂᒃ, ᐱᕕᖃᖅᑎᑦᓯᓂᕐᒥᑦ ᕿᑭᖅᑖᓗᒃ ᑯᐊᐳᕇᓴᒃᑯᑦ ᐃᖅᑲᓇᐃᔭᖅᑎᖏᓐᓂᒃ ᖃᕋᓴᐅᔭᒃᑯᑦ ᑐᑦᑕᕐᕕᖓᓂ. ᖃᕋᓴᐅᔭᕐᒥᑦ ᑐᑦᑕᕐᕕᒃ ᐃᓚᖃᖅᑐᖅ ᑭᒃᑯᓕᒫᓂᒃ ᕿᑭᖅᑖᓗᒃ ᑯᐊᐳᕇᓴᒃᑯᑦ ᐃᖅᑲᓇᐃᔭᖅᑎᖁᑎᒋᓯᒪᔭᖏᓐᓂᒃ ᐊᒥᓱᓄᑦ ᐱᓕᕆᐊᑦᓴᓄᑦ ᐅᖓᓯᑦᑐᒥᑦ ᐃᓂᓂᑦ.
2014-2015
ᐱᔭᕇᖅᓯᓂᐅᔪᖅ ᑭᖑᓪᓕᖅᐹᒥᑦ DDW ᓈᓚᕝᕕᐅᑉ ᓴᓗᒻᒪᖅᓴᖅᑕᐅᓂᖓ, ᐱᓕᕆᐊᑦᓴᓕᕆᔨᒃᑯᑦ ᐊᖏᓪᓕᒋᐊᖅᑎᑦᓯᓚᐅᖅᑐᖅ ᐱᔨᑦᓯᕋᐅᑎᖏᓐᓂᒃ ᐅᔭᕋᓐᓂᐊᕐᓂᕐᒧᑦ ᐊᒻᒪᓗ ᐱᔾᔪᑎᑦᓴᓄᑦ ᐱᕙᓪᓕᐊᑎᑦᓯᓂᕐᒥᑦ ᐊᓯᖏᓐᓂᓪᓗ ᐱᓕᕆᓂᑯᖏᑦ ᐊᑑᑎᖃᑦᓯᐊᖅᑎᓪᓗᒋᑦ.ᑲᑐᔾᔨᖃᑎᒌᑦ
ᐃᓕᓐᓂ ᑲᑐᔾᔨᖃᑎᖃᕈᒪᔪᒍᑦ ᑮᓇᐅᔾᔭᓴᓐᓂᕐᒧᑦ ᒪᑭᒪᔾᔪᑎᑦᓴᕐᓄᑦ, ᐃᖅᑲᓇᐃᔮᑦᓴᓂᒃ ᓴᖅᑮᓂᕐᒧᑦ ᓄᓇᓕᖁᑎᓐᓄᑦ ᐊᒻᒪᓗ ᖃᐅᔨᓇᓱᐊᓂᕐᒥᑦ ᓄᑖᖑᔪᓂᑦ ᐊᑐᖃᑦᑕᕐᓂᖏᓐᓄᑦ ᐱᓕᕆᐊᑦᓴᓄᑦ.
ᐅᕙᑦᑎᓐᓂ ᐃᖅᑲᓇᐃᔭᖃᑎᖃᕆᑦ
ᕿᑭᖅᑕᓂ ᓴᓇᔪᓕᕆᓂᕐᒧᒃᑯᓐᓂᒃ ᒪᓂᒪᑎᑦᓯᓲᖑᔪᒍᑦ ᐃᖅᑲᓇᐃᔮᑦᓴᓂᒃ ᓄᓇᕗᒻᒥᐅᑕᓄᑦ ᐊᔾᔨᒋᙱᑦᑐᓂᒃ ᐱᓕᕆᓂᐅᔪᓂᒃ. ᐱᒋᐊᓕᓵᕈᕕᓪᓘᓐᓃᑦ ᓴᓇᔪᓕᕆᔨᐅᓂᕐᒧᑦ ᐅᕝᕙᓘᓐᓃᑦ ᐱᓕᕆᔨᒻᒪᕆᐅᒍᕕᑦ, ᐱᕕᑦᓴᕆᔭᑎᑦ ᐃᓱᖃᙱᑦᑐᑦ.
ᖃᐅᔨᒋᐊᕐᕕᐅᑕ
